FERNANDO CANELLADA
«La participación na vida de les ciudaes, nos sos recursos, nos sos servicios y nes sos decisiones, ye un derechu de los vecinos y vecines espeyáu enforma na llexislación».Asina empecipia'l «Reglamentu de participación ciudadana del Ayuntamientu de Xixón», que recibióse ayeri [5 de marzo de 2009] por corréu, remitíu con un saludu l'Alcaldesa.
El llibru tien dos cares, una en castellán y otra n'asturianu. Ye parte del compromisu del gobiernu llocal pola normalización llinguística. Nel textu fálase de «cultura participativa» y de «dar puxu sobremanera a la participación d'aquellos grupos o individuos que, por cualquier causa, tengan dificultaes añadíes».
En fin, en 48 páxines y 53 artículos resúmense munches pallabres qu'a diariu vuelen per onde'l fumu. ¿Cómo participa la xente na obra del ferial del campus? ¿Y col cambiu del Albergue Covadonga? ¿Qué muérganu de participación tienen los usuarios nel cierre de la piscina de Panchano o del muru de Cabueñes? ¿Y qué derechu quéda-yos a los vecinos del Pisón ante la depuradora?
Publicado en La Nueva España el 6 de marzo de 2009
