Como hubieren prometío, Los Verdes d’Asturies mercaron 1000 bonos de un euro pal sofitu la Plataforma Ciudadana escontra El Muro de Cabueñes.
Les perres nun cayeren del cielu, xurden de les cuotes de afilia+s y de lo que apurren L+s Verdes que tán trabayando pal Gobiernu d’Asturies y pala Xunta Xeneral.L+s verdes nun tenemos más ingresu que lo que aporten l+s afilia+s.
Ye perimportante que l+s vecin+s puean tar nel xuiciu d’un tema que asoleyaren, que trabayaren, que tien que ver cola decencia (o la falta d’ella) de los que mos almenistren.
Hay delles coses que nun puen discutise.
Una ye la tresparencia y la honestidá en democracia.
L+s vecin+s de Cabueñes asoleyaren hay cuantayá que l’Arquiteutu Xefe del conceyu Xixón ganara 600.000 euros pola recalificación d’un estaxu d’una finca que y vendieren los amos en 7.000 euros.
La venta tuvo bien, la empresa dempués ganó 5,5 millones de euros col so cacho, que salió recalificao tamién, claro, taría bono que non, con eses amistaes.
Agora tá nos tribunales, l+s vecin+s han de tar ehí, facen-yos falta perres y que el Xuez aceptare la so personación como acusación.
Por perres nun va quedar…
Pallabra de Los Verdes d’Asturies
Publicao na web de Los Verdes d’Asturies el 15 d'agostu de 2009
